ရန်ကုန်မြို့ပြအမွေအနှစ် မဟာဗျူဟာ

ရန်ကုန်မြို့ပြအမွေအနှစ်မဟာဗျူဟာကို YHT ဝန်ထမ်းများနှင့် မြို့ပြစီမံကိန်း၊ မြို့ပြဒီဇိုင်း၊ အမွေအနှစ်စီမံခန့်ခွဲရေး၊ ဘဏ္ဍာရေး၊ စီးပွားရေးနှင့် ဥပဒေရေးရာ ကဏ္ဍအသီးသီးမှ ပညာရှင်များ၏ အကူအညီဖြင့် ပြီးခဲ့သည့်နှစ်အတွင်း ရေးဆွဲခဲ့သည်။ ၎င်းသည် YHT ၏ လေးနှစ်တာကာလအတွင်း အတွေ့အကြုံများ၊ စီမံကိန်းများ၊ ဆွေးနွေးညှိနှိုင်းမှုများ၊ နှိုးဆော်တိုက်တွန်းချက်များ၏ အမြင့်ဆုံးသောရလဒ်ကို ကိုယ်စားပြုသည်။

အဖွဲ့သည် ၂၀၁၃ ခုနှစ်အတွင်း မိမိတို့အဖွဲ့၏လုပ်ငန်းစဉ်များကို ပိုမိုထိရောက်စေလိုပါက မြို့အတွက် မျှော်မှန်းချက်၊ ယင်းမျှော်မှန်းချက် အား အကောင်အထည်ဖော်ရန် မဟာဗျူဟာနှင့် ပထမခြေလှမ်းဟု ယူဆနိုင်သော ဖြစ်နိုင်ခြေရှိသည့် လုပ်ငန်းစီမံချက်များကို ရေးဆွဲချပြရန် လိုအပ်နေသည်ကို သတိပြုမိခဲ့သည်။ မြန်မာနိုင်ငံ၏ လတ်တလော နိုင်ငံရေးအပြောင်းအလဲနှင့် ကြီးမားသောတိုးတက်မှုများသည် ရန်ကုန်မြို့အတွက် ရှေ့ဆက်အစီအစဉ်ချမှတ်ပြီး ဒေသတွင်း အိမ်နီးချင်းနိုင်ငံများ၏ အမှားကို ရှောင်ရှားနိုင်စေရန် အရေးကြီးသည့် အချိန်ရောက်ရှိနေပြီဟု အချက်ပြနေသည်။

ရန်ကုန်မြို့ပြအမွေအနှစ်မဟာဗျူဟာသည် စိတ်ကူးစိတ်သန်းများနှင့် အခွင့်အလမ်းများကို ပေါင်းစပ်ထားသည်။ ယင်းစိတ်ကူးစိတ်သန်းများသည် အများပြည်သူနှင့် အာဏာပိုင်များအား မြို့၏ ဖြစ်နိုင်ခြေရှိသည့် အရည်အသွေးများကို သိရှိစေရန် မျှော်လင့်ပါသည်။

မဟာဗျူဟာ၏ အနှစ်ချုပ်ကို အောက်ပါအတိုင်းလေ့လာနိုင်သည်။

နိဒါန်း တွင် မြို့များ၏အရေးပါပုံ၊ အမွေအနှစ်ထိန်းသိမ်းစောင့်ရှောက်ခြင်း၊ မြို့ပြစီမံကိန်းရေးဆွဲခြင်းနှင့် လက်ရှိအခြေအနေများ၏ နောက်ခံအကြောင်းအရာများကို ဖော်ပြထားသည်။

မျှော်မှန်းချက် တွင် ရန်ကုန်မြို့၏ ဖြစ်နိုင်ခြေများဖြင့် ဒေသတွင်း ဦးဆောင်နိုင်သော မြို့တစ်မြို့ဖြစ်လာစေရန် ဆန်းသစ်ပြီး မျှော်လင့်ကြီးစွာသော အတွေးစိတ်ကူးများကို ဖော်ပြထားသည်။

ရန်ကုန်မြို့တွင် အလုပ်လုပ်ကိုင်ရန်၊ အခြေချနေထိုင်ရန် အဆင်ပြေစေရေးအတွက် ဆွေးနွေးနိုင်ရန် နေချင့်စဖွယ်ဖြစ်မှု အား အဓိပ္ပာယ်ဖွင့်ဆိုသည့် အခြေခံအချက်အလက်များကို ယင်းအခန်းတွင် လေ့လာနိုင်သည်။

မဟာဗျူဟာ တွင် ရန်ကုန်မြို့၏ ယဉ်ကျေးမှု၊ လူမှုရေးနှင့် နိုင်ငံရေးဆိုင်ရာ အကြောင်းအရာများနှင့် သက်ဆိုင်သော မျှော်မှန်းချက်များအား အကောင်အထည်ဖော်နိုင်ရန် YHT၏ အကြံပြုချက်များကို အနှစ်ချုပ်၍ ဖော်ပြထားသည်။

လုပ်ငန်းစဉ်များ တွင် အနာဂတ်ရန်ကုန်မြို့အတွက် လက်တွေ့ကျသော မျှော်မှန်းချက်များ ရေးဆွဲထားပြီး လျင်မြန်စွာ အကောင်အထည်ဖော်နိုင်သည့် ချက်ချင်းဆောင်ရွက်နိုင်သောစီမံချက်များနှင့် ကာလကြာရှည်ဆောင်ရွက်ရမည် စီမံကိန်းများအတွက် စိတ်ကူးအကြံဥာဏ်များအား အသေးစိတ် ဖော်ပြထားသည်။

Shwedagon Pagoda